Lidhjet që krijohen brenda shtëpisë së “Big Brother VIP” ngjallin gjithmonë një kuriozitet të madh, sidomos për reagimin e familjarëve që i ndjekin dinamikat nga jashtë ekranit. Një nga romancat që ka tërhequr vëmendjen së fundmi në shtëpinë më të famshme në Shqipëri është ajo mes Mateos dhe Brikenës. Për të diskutuar mbi lojën e tij të deritanishme në edicionin e pestë të formatit, motra e Mateos, Keijsi Borri, ishte e ftuar së fundmi në programin “Fan Club”.
Gjatë bisedës në studio, Keijsi bëri një veprim mjaft spontan për të treguar qëndrimin e familjes. Ajo mori në telefon babain e tyre drejtpërdrejt gjatë transmetimit televiziv. Teksa e njoftoi se ishin “live” në emision, Keijsi e pyeti hapur se çfarë mendimi kishte për Brikenën, vajzën me të cilën Mateo ka nisur një raport romantik.
Babai i Mateos nuk hezitoi aspak të tregonte miratimin e tij të plotë, duke dhënë një vlerësim mjaft pozitiv për partneren e djalit. “Brikena është vajza më e qëndrueshme, më me karakter dhe i jep vlera atij Big Brotheri”, u shpreh ai bindshëm përmes linjës telefonike. Me këtë përgjigje të drejtpërdrejtë, duket se Brikena e ka kaluar me sukses të plotë testin e familjes. /Prive By Liberta Spahiu
