Pas disa muajsh të gjatë plot tension, strategji të forta, debate dhe emocione të pafundme brenda shtëpisë së Big Brother VIP Kosova 4, duket se finalistja Elijona ka gjetur mënyrën më fantastike për të shkarkuar gjithë atë ngarkesë televizive. Ajo ka paketuar valixhet dhe ka fluturuar drejt destinacionit ekzotik të El Gounas në Egjipt, për të shijuar disa ditë të merituara relaksi e qetësie nën shoqërinë e mikeshave të saj. Por, ajo që nisi si një ditë e zakonshme pushimi nën rrezet e nxehta të diellit afrikan, u kthye në një moment surprize dhe krenarie për ish-banoren e reality shoë-t.
Teksa vajzat po merrnin rreze pranë pishinës së resortit luksoz, atmosfera mori një kthesë krejtësisht të papritur. Në sfond, me volum të lartë, filloi të ushtonte një ritëm jashtëzakonisht i njohur për ne.
Bëhet fjalë pikërisht për hitin e padiskutueshëm të artistes shqiptare Tayna, “Si Ai”. Elijona nuk e ka humbur rastin ta dokumentojë këtë moment dhe e ka ndarë menjëherë në rrjetet sociale, duke i treguar ndjekësve se si muzika jonë arrin të ndezë atmosferën edhe mijëra kilometra larg shtëpisë, ndërsa pushuesit e tjerë shijonin ritmin.
Megjithatë, kjo zgjedhje muzikore nga DJ i resortit nuk është thjesht një rastësi e bukur. Rrugëtimi i këngës “Si Ai” ka thyer kufijtë e tregut tonë lokal prej kohësh dhe është një histori suksesi më vete. Që prej vitit 2024, ky projekt i artistes është shndërruar në një fenomen masiv muzikor globalisht, mes tjerash edhe në shtetin e Egjiptit. Kënga ka kapërcyer çdo barrierë gjuhësore duke u kthyer në një himn të pandashëm të festave të tyre, e preferuara e klubeve të natës dhe kolonë zanore e resorteve elitare.
Ndërkohë që Elijona vazhdon të shijojë vëmendjen e madhe pas rrugëtimit të saj deri në finalen e madhe të BBVK 4, ky moment ishte thjesht një tjetër kujtesë e bukur se sa larg po arrin industria jonë muzikore në botë. /Prive By Liberta Spahiu
