Sapo dyert e gjykatës u mbyllën dhe verdikti i shumëpritur u dha, të gjithë sytë u kthyen nga familja Ademaj. Me dënimin e përjetshëm për Naim Murselin dhe Granit Plavën, emocioni dhe lehtësimi ishin të papërshkrueshëm. Por, cila është gjëja e parë që Leonardi, vëllai i Liridonës, ka ndërmend të bëjë pas këtij momenti historik për drejtësinë? Para mediave, ai ndau një detaj që preku zemrat e të gjithëve dhe solli një emocion të fortë.
Ai u shpreh se hapi i tij i parë dhe më i rëndësishëm tani është të kthehet në shtëpi tek prindërit e tij të lënduar për t’u dhënë lajmin e madh.
“Do të shkoj t’i takoj nënën dhe babën, dhe t’i tregoj që përnjëmend e drejta shkoi në vend,” tha Leonardi, duke përcjellë mesazhin se ky është lehtësimi i vetëm real në mes të këtij ferri që kanë përjetuar si familje prej muajsh. Më tej, ai e bëri të qartë se kjo fitore ligjore nuk u përket vetëm atyre, por i dedikohet kryesisht Liridonës dhe fëmijëve të pafajshëm. Me një ton të rënduar, ai theksoi tragjedinë e situatës duke thënë se ata fëmijë nuk do ta shohin më kurrë nënën e tyre në këtë jetë.
Leonardi e vulosi deklaratën e tij duke kujtuar ftohtësisht se Naimi dhe Kushtrimi e thurën këtë rrjetë makabre, duke zgjedhur Granitin për ta finalizuar atë.
Ndërsa për dënimin me 30 vite të Kushtrim Kokallës, ai tregoi maturi duke thënë se gjykata e ka vlerësuar siç duhet, duke ia lënë komentet e mëtejshme ligjore avokatit të familjes. Një gjë është e sigurt, siç e tha edhe ai vetë në fund të fjalës së tij: ky nuk ishte thjesht një vendim gjykate për familjen e tyre, por një frymëmarrje e thellë lehtësimi për mbarë popullin shqiptar që kërkoi pa rreshtur drejtësi për Liridonën. /Prive By Liberta Spahiu
@telegrafinews“Do shkoj ta takoj nanën dhe do t’i tregoj që amaneti shkoi në vend”, fjalët e para të vëllait të Liridona Ademajt pasi u dënuan Naim Murseli, Granit Plava dhe Kushtrim Kokalla #Telegrafi #LiridonaAdemaj #NaimMurseli 
