Reperja e njohur shqiptare, Tayna, ka ndezur rrjetet sociale duke lajmëruar projektin e saj më të ri muzikor. Përmes një postimi në llogarinë e saj në Instagram, ajo ka zbuluar për ndjekësit se kënga e saj më e re mban titullin “Vena”. Sipas paralajmërimit, ky projekt do të publikohet së shpejti, konkretisht më datë 24 Prill në orën 18:00.
Ky projekt i ri mban një rëndësi të veçantë për artisten dhe fansat e saj, pasi “Vena” është kënga e dytë e shkëputur nga albumi i saj i shumëpritur, i titulluar “Genesis”.
Për të gjithë adhuruesit e muzikës së saj, pritja nuk do të jetë e gjatë as për projektin e plotë. Albumi “Genesis” është planifikuar të lançohet i plotë muajin e ardhshëm, me datë 8 Maj, duke premtuar një sërë këngësh të reja që pritet të dominojnë toplistat muzikore.
Ndërkohë, pamjet e para të ndara në formë ‘teaser’-i në Instagram për këngën “Vena” paralajmërojnë një këngë mjaft ‘shpërthyese’. Reagimet kanë qenë të menjëhershme nga fansat dhe figurat publike në komente, të cilët kanë shprehur padurimin dhe entuziazmin e tyre maksimal për të dëgjuar atë që Tayna ka përgatitur këtë herë.
/Prive By Liberta Spahiu
View this post on Instagram
