Këngëtarja e njohur Dona Janova ka prezantuar për publikun projektin e saj më të ri muzikor, të titulluar “Urime Ditëlindjen”.
Kjo këngë, e cila tashmë është publikuar në platformën YouTube, ka tërhequr menjëherë vëmendjen e fansave që në momentet e para, duke u shoqëruar me një videoklip mjaft emocionues dhe të ngrohtë.
Ajo çfarë e bën këtë videoklip tejet të veçantë është përfshirja e familjes së ngushtë të këngëtares. Nëna e Donës, këngëtarja e mirënjohur Afërdita Demaku, është pjesë e rëndësishme e këtij projekti. Në skenat e klipit, ajo luan rolin e personazhit kryesor të cilit i organizohet një festë e bukur befasie për ditëlindje. Për t’i dhënë edhe më shumë kuptim kësaj feste familjare, në videoklip merr pjesë edhe vëllai i Donës, Jano, i cili i bashkohet këtij momenti të gëzueshëm.
Për realizimin audio të kësaj kënge festive kanë punuar emra të njohur të muzikës. Teksti dhe muzika mban vulën e Kreshnik Avdiut, ndërsa për orkestrimin e këngës është kujdesur Ardian Kastrati.
Ana vizuale i është besuar produksionit MProduction, të cilët kanë sjellë një videoklip që përcjell atmosferë të vërtetë feste.
Me këtë këngë, tashmë në festat e juaja të ditëlindjes do keni me çfarë të festoni!
Në linkun më poshtë mund ta dëgjoni të plotë! /Prive By Liberta Spahiu
