Ish-finalistja e “Big Brother VIP Kosova 4”, Elijona Binakaj, vazhdon të jetë në qendër të vëmendjes, jo vetëm për rrugëtimin e saj televiziv, por edhe për raportin e ngushtë që ka krijuar me ndjekësit.
Së fundmi, ajo ka ndarë me fansat në rrjetet sociale një dhuratë tejet të rrallë dhe emocionuese që e ka lënë pa fjalë.
Përmes një fotografie të publikuar në Instastory, Elijona ka treguar një certifikatë ku shihet se një fans ka “regjistruar” një yll në hapësirë me emrin e saj të plotë.
Sipas dokumentit të “International Space Registry”, ylli me koordinata specifike 7 45 18.9 28 1 34.3 tashmë quhet zyrtarisht “Elijona Binakaj”.
Ky gjest simbolik, që synon të përjetësojë emrin e saj mes yjeve, është pritur me shumë emocion nga bukuroshja, e cila e ka shoqëruar postimin me një dedikim mirënjohës për adhuruesit e saj besnikë.
Përveç kësaj surprize që “prek qiellin”, Elijona po kalon momente fantastike larg zhurmës së përditshmërisë.
Kujtojmë që ajo aktualisht ndodhet në pushime në Egjipt, ku po shijon temperaturat e larta dhe magjinë e bregdetit egjiptian.
Mes pozave luksoze nga resortet dhe rrezeve të diellit, ish-banorja po dëshmon se po kalon një nga periudhat më të bukura pas daljes nga shtëpia më e famshme në Kosovë, duke kombinuar më së miri vëmendjen e madhe të publikut me qetësinë e merituar.
/Prive By Liberta Spahiu
View this post on Instagram
