Ish-banorja e “Big Brother VIP Kosova”, Vesa Vllasaliu, ka vendosur të mos heshtë më përballë komenteve negative që merr në rrjetet sociale. Përmes një videoje të ndarë me ndjekësit në Instastory, Vesa ka reaguar ashpër ndaj kritikave që i bëhen për dukjen e saj të thjeshtë në shtëpi.
Vesa zbuloi se shpeshherë merr mesazhe ku e gjykojnë për faktin që shfaqet natyrale dhe pa makijazh. “Pse nuk grimohesh në shtëpi?”, “E ke lënë veten pas dore”, janë disa nga komentet që, sipas saj, vijnë kryesisht nga gratë. Kjo e ka shtyrë atë të bëjë një konstatim të hidhur: “Armiku i një femre është vetë femra”.
Me një dozë ironie dhe vetëbesimi, Vesa u shpreh se nuk e ndjen të nevojshme të lyhet kur është në ambientet e saj private. “Në shtëpi unë nuk grimohem sepse nuk kam nevojë. E dua veten kështu siç jam”, tha ajo, duke theksuar se ndihet rehat me pamjen e saj natyrale.
Në mbyllje të reagimit të saj, Vesa nuk i ka kursyer thumbat për ato që e kritikojnë. Ajo u shpreh se, ndryshe nga shumë të tjerë që mund të kenë pasiguri, ajo ndihet plotësisht e kënaqur me atë që sheh. “Kur e shoh veten në pasqyrë, nuk frikësohem sikur ju”, përfundoi ajo, duke u dhënë një leksion të gjithëve për dashurinë ndaj vetes. /Prive By Liberta Spahiu
