Viti 2026 po konfirmohet si epoka e artë e Elon Musk, i cili po e çon pasurinë e tij në nivele rekord që tashmë kalojnë shifrën historike prej mbi 800 miliardë dollarësh sipas Forbes.
Ky dominim financiar, i nxitur nga vlerësimi i lartë i SpaceX dhe suksesit të xAI, e bën atë njeriun e parë që kontrollon njëkohësisht industrinë e hapësirës, teknologjinë neurale dhe transportin autonom, duke lënë pas çdo rival global.
Përveç suksesit financiar, maji i këtij viti ka shënuar fitore të rëndësishme teknologjike dhe ligjore.
Në Austin, Robotaksitë e Teslës kanë nisur operimin e plotë “pa mbikëqyrje” edhe gjatë natës, ndërsa në sallat e gjyqeve Musk sapo është përballur direkt me Sam Altman të OpenAI për kontrollin e inteligjencës artificiale.
Paralelisht, ai ka konfirmuar fluturimin e 12-të të Starship më 19 maj, duke përdorur versionin e ri V3 që konsiderohet raketa më e fuqishme në histori.
Bota mbetet pezull për kulmimin e projekteve të tij brenda pak muajsh: nga robotët humanoidë Optimus Gen 3 që po hyjnë në prodhim, te projekti Blindsight i Neuralink për rikthimin e shikimit.
Me dritaren e nisjes drejt Marsit në fund të vitit, Musk po përgatit dërgimin e anijeve të para Starship, duke vulosur fatin e tij si njeriu që po përdor pasurinë prej 800 miliardë dollarësh për të kolonizuar një planet tjetër dhe për të ndryshuar historinë e njerëzimit.
/Prive By Liberta Spahiu
