Duket se jeta pas “Big Brother VIP Kosova” po shkon në drejtimin e duhur për ish-banorin Ludo Lee, i cili i ka lënë pas dramat e shtëpisë më të famshme në Kosovë për t’u zhvendosur në një tjetër nivel. Ai i është rikthyer eventeve luksoze dhe këtë herë nuk bëhet fjalë për ndonjë festë të zakonshme, por për tapetin e kuq dhe jahtet ekskluzive të Festivalit të Filmit në Cannes.
Ludo ka ndarë me ndjekësit e tij në Instagram disa pamje nga një mbrëmje mjaft e veçantë e organizuar nga marka e njohur Ray-Ban, por ajo që ka tërhequr menjëherë vëmendjen nuk ishte thjesht pamja e tij elegante në Rivierën Franceze.
Ish-banori i BBVK ka befasuar të gjithë duke u rishfaqur krah një prej emrave më të mëdhenj të modelingut në botë, supermodeles braziliane Adriana Lima. Të dy dukeshin mjaft të kuruar, me Ludon që kishte zgjedhur një kostum të hapur veror plot stil, ndërsa ikona e modës shkëlqente si gjithmonë me një xhaketë të zezë klasike dhe buzëkuqin e saj të kuq karakteristik.
Megjithatë, pavarësisht se ai po shijon jetën e lartë dhe po rrethohet nga yje ndërkombëtarë, ndjekësit shqiptarë nuk e lënë rehat aq lehtë.
Seksioni i komenteve në postimin e tij është i mbushur me batuta nga publiku, të cilët nuk kanë hezituar t’i përmendin Benitën apo ta ngacmojnë me shaka për “çadrat”, duke i kujtuar rrugëtimin e tij në reality show. Sido që të jetë, një gjë është e sigurt: Ludo di si të qëndrojë në qendër të vëmendjes dhe ky rikthim në jetën e luksit krah emrave të tillë është padyshim një lëvizje e madhe për të. /Prive By Liberta Spahiu
View this post on Instagram
