E mbetur në shtëpi për shkak të një gripi, këngëtarja e njohur Aida Doçi ka gjetur kohën për të bashkëbiseduar me ndjekësit e saj të shumtë në Instagram përmes një “Ask Me” (Më pyet).
Mes pyetjeve të shumta, ajo që ka marrë vëmendjen më të madhe ishte kurioziteti i fansave nëse artistja e ka në plan të zgjerojë familjen me një djalë.
Aida, e cila është tashmë nënë e dy vajzave nga martesa e saj me partnerin dhe menaxherin Naser Qeli, u tregua mjaft e sinqertë në përgjigjen e saj. Ajo pranoi se kjo është një nga pyetjet që i bëhet më shpesh, jo vetëm në rrjetet sociale, por edhe në jetën e saj të përditshme.
Këngëtarja u shpreh se sigurisht që e ka dëshirë të ketë edhe një djalë, duke thënë: “Normal që kam qejf me pas djalë, insha’Allah Zoti më fal edhe djalë”. Megjithatë, ajo theksoi se për momentin dëshiron të përkushtohet në rritjen e dy vajzave të saj, duke ia lënë të ardhmen në dorë fatit dhe vullnetit hyjnor.
“Insha’Allah Zoti i gëzon të gjitha çiftet me fëmijë e nuk ka rëndësi a është vajzë apo djalë, mjafton të jenë të shëndetshëm,” u shpreh ajo.
Ndonëse e mirëpret idenë e një djali në të ardhmen, Aida nuk i kurseu fjalët më të ëmbla për dy vajzat e saj.
Ajo e mbylli përgjigjen duke treguar se ato janë lumturia e saj më e madhe, duke shkruar: “Nuk e di qysh është me pas djalë, ama qikat ta kënaqin shpirtin.” /Prive By Liberta Spahiu
