Dinamikat brenda shtëpisë më të famshme në vend, Big Brother VIP Kosova, sa vijnë e zhvillohen. Së fundmi, vëmendjen e publikut dhe të vetë banorëve e ka rrëmbyer raporti gjithnjë e më i afërt mes Sasa Hodës dhe Kushtrim Kelanit.
Ndonëse gjithçka nisi në kuadër të shakasë, duket se mes dyshes ka shkëndija që mund të paralajmërojnë një histori të re dashurie. Gjatë një bisede të lirë me banorët e tjerë, ndërsa prisnin cigare nga “Vëllai i Madh”, Sasa bëri një deklaratë që nuk kaloi pa u vënë re.
“Po veç Kushtrimin s’po muj me bë për veti”, – u shpreh ajo me humor, duke shkaktuar të qeshura, por edhe duke lënë vend për interpretime mbi interesin e saj real ndaj tij.
https://www.youtube.com/watch?v=BBJ0gefDVaM
Reagimi i Kushtrimit ishte po aq epik sa deklarata. Ai zgjodhi t’i përgjigjej situatës me këngë, duke nisur të këndonte vargjet: “As i fundit e as i pari”, një reagim ky që e mbajti situatën në notat e humorit, por edhe të flirmit.
Çfarë po ndodh jashtë?
Ndërkohë që brenda shtëpisë situata duket si një lojë ngacmimesh, në rrjetet sociale fansat kanë nisur të montojnë video të shumta të dyshes. Në klipet që po qarkullojnë në TikTok dhe Instagram, vihet re se Sasa i është “qepur pas” Kushtrimit në disa situata, ndërsa ky i fundit mban një qëndrim të dyzuar – herë afrohet me të, e herë duket se e shmang.
Mbetet për t’u parë nëse kjo “ndjekje” e Sasës do të konkretizohet, apo nëse Kushtrimi do të vazhdojë të jetë “i pamunduri” për t’u bërë për vete.
