Drama brenda shtëpisë së Big Brother VIP Albania sapo ka marrë atë kthesën tipike ku gjërat bëhen vërtet personale dhe dinamikat ndryshojnë brenda ditës.
Dje pamë një Miri që vendosi të shkarkojë të gjithë barrën e situatës tek Selin, duke u shprehur hapur se 23-vjeçarja ka ndjenja për të. Në një bisedë me Juelën, ai u ankua se po mban i vetëm faturën e këtij afrimiteti para publikut, ndërkohë që sipas tij, ka qenë Selin ajo që e ka ftuar në dush dhe nuk e ka pyetur asnjëherë për bashkëshorten e tij jashtë. Kjo ishte një lëvizje e pastër për të zhvendosur vëmendjen dhe për të hequr përgjegjësinë nga vetja, por reagimi nuk vonoi.
Kur prek këto lloj temash, familjarët jashtë nuk qëndrojnë thjesht si spektatorë. Pasi e quajtën publikisht një turp që një burrë 47-vjeçar i martuar tenton të ushqejë egon e tij duke përdorur imazhin e një vajze të re, sot babai i Selinit bëri goditjen e radhës dhe i dha një mesazh të qartë gjithë shtëpisë. Një dron ka fluturuar mbi oborr me një dedikim ekskluziv mbështetjeje vetëm për Selinën, Gretën dhe Gimbon.
Kjo nuk është thjesht një surprizë nga ajri, por një skanim i pastër i situatës nga jashtë. Përfshirja e Gimbos në këtë mesazh lexohet si një miratim total nga familja, ndërkohë që Miri u izolua plotësisht nga ky ekuacion pozitiv. Pamjet nga oborri treguan një Miri qartësisht të tensionuar dhe në siklet teksa ndiqte dronin me sy. Duket se përgjigja i shkoi në destinacion dhe loja sapo është bërë shumë herë më e vështirë për këngëtarin. /Prive By Liberta Spahiu
