Sinem Kobal dhe Kenan İmirzalıoğlu janë rikthyer në qendër të vëmendjes së mediave turke, pas zërave se martesa e tyre mund të jetë në krizë.
Gjithçka nisi pasi Sinem u shfaq e vetme në eventin për 10-vjetorin e Netflix në Turqi.
Mungesa e Kenanit në krah të saj mjaftoi që në rrjete sociale të nisnin menjëherë pyetjet nëse një prej çifteve më të njohura të showbizz-it turk po kalon probleme. (Haberler)
Por vetë aktorja nuk i ka lënë shumë hapësirë spekulimeve.
E pyetur nga gazetarët se përse Kenan İmirzalıoğlu nuk ishte i pranishëm në event, Sinem sqaroi se bashkëshorti i saj ndodhej në xhirimet e një reklame.
Ajo e dha përgjigjen duke buzëqeshur, pa lënë të kuptohej se mes tyre kishte ndonjë problem. (Haberler)
Deri tani nuk ekziston asnjë deklaratë nga çifti apo burim i konfirmuar që flet për divorc apo fund të martesës së tyre.
Sinem Kobal dhe Kenan İmirzalıoğlu janë martuar në maj të vitit 2016 dhe këtë vit kanë shënuar plot 10 vjet martesë.
Madje, Sinem e kishte kujtuar përvjetorin e tyre duke publikuar fotografi nga dasma. (Haberler)
Pra, të paktën për momentin, zërat për ndarje duket se kanë nisur vetëm nga fakti që Sinem u shfaq e vetme në një event, ndërsa vetë ajo ka dhënë një shpjegim krejt tjetër për mungesën e Kenanit. /Prive By LS
