Dinamikat brenda shtëpisë së Big Brother VIP Albania vazhdojnë të mbajnë mbërthyer publikun, por këtë herë, “zhvillimet” më interesante vijnë nga jashtë mureve të shtëpisë.
Protagonistja e momentit është Elona Blakaj, motra e Gimbos.
Të gjithë e dinë tashmë pëlqimin e hapur dhe simpatinë që Gimbo ka shfaqur ndaj banores tjetër, Selin.
Por, duket se kjo dyshe nuk ka vetëm mbështetjen e fansave, por edhe të vetë familjes së djalit nga Istogu. Gjithçka ka nisur në seksionin e komenteve në Instagram, ku një faqe fansash i është drejtuar me shaka dyshes: “A t’jep nana n’Kosovë?”, duke iu referuar mundësisë që Selin të bëhet nuse në familjen e tyre.
Ajo që i ka befasuar të gjithë dhe ka entuziazmuar ndjekësit ka qenë përgjigjja epike e motrës së Gimbos.
Elona ka replikuar pa hezitim dhe plot sportivitet: “E jep, e jep 🥰”.
Ky koment ka bërë menjëherë xhiron e rrjetit, duke u cilësuar nga ndjekësit si “komenti më i bukur” dhe duke marrë qindra pëlqime. Tashmë duket se “kunata” e ka dhënë zyrtarisht miratimin e saj për këtë romancë të mundshme. Mbetet vetëm të shohim se si do të rrjedhin ngjarjet mes Gimbos dhe Selinit brenda shtëpisë tani që drita jeshile nga familja është ndezur! /Prive By Liberta Spahiu
