Situata në spektaklin “Ferma VIP” ka marrë një kthesë të fortë, me tensione të larta mes banorëve që duket se kanë kaluar çdo kufi të mëparshëm të lojës. Ditët e fundit, bashkëjetesa është përfshirë nga fjalë të ashpra që kanë shkaktuar një valë të madhe reagimesh nga publiku jashtë.
Në qendër të polemikave është vendosur banori Adioni, i cili është bërë viral në rrjetet sociale për një sjellje të konsideruar nga publiku si të papranueshme dhe ofenduese ndaj poetes Mimoza Ahmeti. Gjatë ditës së djeshme, ai iu drejtua asaj duke e quajtur “Ahmetovic”, duke i shtuar një prapashtesë sllave mbiemrit të saj. Për ta rënduar më tej situatën, ai i theksoi: “Unë kam mbiemër shqiptar, ndryshe nga ti”, një deklaratë që ka revoltuar masivisht ndjekësit e programit.
@big_brother.daily #ferma #mimozaahmeti #shqiptar #uck #kosova ♬ original sound – 𝔹𝕚𝕘𝔹𝕣𝕠𝕥𝕙𝕖𝕣𝔻𝕒𝕚𝕝𝕪 Përplasja mes tyre nuk u ndal me kaq. Adioni i lëshoi një “ultimatum” të hapur Mimozës në kuadër të sfidave të fermës. Ai u shpreh se “do t’i marrë shpirtin” në lojë, duke i dhënë një afat prej 12 orësh për t’u larguar. “Ja unë, ja ti! Ke kohë edhe 12 orë të dalesh, o ti, o unë,” ka qenë deklarata e tij e fortë që ngriti edhe më shumë tensionet.
@cloeosbuba #perteeee #albania #fermavip #shqiptaretneperbote🇦🇱🌍 #kosovo🇽🇰 ♬ audio originale – CloeOSBuba Kësaj klime presioni i është bashkuar edhe Fabiola. Në një bisedë me një nga fermeret, ajo dëgjohet të thotë se e vetmja arsye pse Mimoza po “shpëton” nga sulmet e tyre është prania e Ilir Shaqirit. “Mos të ishte Iliri këtu, do ishte lutur me dalë jashtë. Është Ilir Shaqiri këtu, se asnjë sekondë gjumë nuk do ta kishte bërë,” u shpreh Fabiola gjatë bisedës me banorët e tjerë.
Këto pamje dhe biseda kanë shkaktuar indinjatë të thellë tek audienca. Ndjekësit në rrjetet sociale kanë reaguar të revoltuar, duke i dënuar këto sjellje dhe duke i cilësuar veprimet e Adionit dhe Fabiolës si bullizim të pastër e të qëllimshëm ndaj Mimoza Ahmetit.
Mbetet për t’u parë se si do të menaxhohet kjo situatë në vazhdimësi nga vetë banorët apo produksioni. /Prive By Liberta Spahiu
@big_brother.daily #ferma #mimozaahmeti #fermavip #bigbrotherdaily #fabiola ♬ original sound – 𝔹𝕚𝕘𝔹𝕣𝕠𝕥𝕙𝕖𝕣𝔻𝕒𝕚𝕝𝕪 
