Moderatori i Big Brother VIP Kosova, Alaudin Hamiti, po shijon aktualisht një eksperiencë unike jashtë kufijve të Kosovës.
Ai ndodhet në Berlin të Gjermanisë, pikërisht në sallën madhështore “Uber Arena”, për të ndjekur nga afër ndeshjen spektakolare të NBA. Përmes rrjeteve sociale, Alaudini ndau pamje nga ky event historik, duke e cilësuar bashkëpunimin mes NBA dhe Evropës si një “spektakël” të vërtetë.
Ndonëse i rrethuar nga atmosfera elektrizuese e basketbollit amerikan në zemër të Evropës, prezantuesi ka treguar se nuk i ndan sytë për asnjë moment nga ajo që po ndodh brenda shtëpisë më të famshme në Kosovë.
Ai publikoi një foto ku shihet duke ndjekur transmetimin live të BBVK përmes telefonit të tij, ndërsa po priste fillimin e lojës, duke shkruar me shaka: “Ndërkohë po i shoh nysat. Kogja nxehtë gjendja edhe andej”.
Dhe në fakt, situata brenda shtëpisë është “nxehur” vërtet.
Dy nga banorët, Labinoti dhe Bia, kanë shkëmbyer puthje pasionante në pishinë. Ky moment i papritur ka ndezur menjëherë rrjetin, duke u bërë kryefjala e natës së sotme mes fansave të reality-show-t.
Ky veprim i Alaudinit tregon përkushtimin e tij ndaj projektit, duke dëshmuar se edhe kur gjendet në ngjarje të mëdha sportive botërore, vëmendja e tij mbetet te dinamikat e banorëve. /Prive By Liberta Spahiu
