Gjatë një interviste me Zane Lowe për promovimin e albumit të tij të ri, Harry Styles flet për herë të parë hapur mbi dhimbjen e madhe për humbjen e Liam Payne, duke e cilësuar vdekjen e ish-shokut të tij të grupit si një nga sfidat më të vështira që ka kaluar.
Muzikanti reflektoi mbi ndarjen nga jeta të Payne në një bisedë për Apple Music, ku po prezanton projektin e tij më të fundit me titull Kiss All The Time.
Disco, Occasionally, i cili pritet të publikohet këtë javë. Styles u shpreh se është jashtëzakonisht e vështirë të humbasësh një mik, e sidomos dikë që të ngjan aq shumë në shumë drejtime.
Liam Payne vdiq në tetor të vitit 2024 pas një rënieje tragjike nga ballkoni i një hoteli në Buenos Aires, Argjentinë.
Styles pranoi se gjatë asaj periudhe u përpoq shumë të kuptonte ndjesinë e çuditshme kur njerëzit e tjerë tentojnë të “zotërojnë” një pjesë të dhimbjes tënde private.
Ai shpjegoi se kishte ndjenja shumë të forta për vdekjen e mikut të tij dhe ndjeu një lloj presioni nga publiku për ta shfaqur këtë dhimbje në një mënyrë të caktuar, gjë që e bëri procesin e zisë edhe më kompleks.
Si anëtar i grupit One Direction, i cili shiti mbi 70 milionë disqe dhe mbushi stadiumet anembanë botës, Payne la pas një trashëgimi të madhe muzikore që vazhdoi edhe me karrierën e tij solo në rrymën R&B.
Styles e kujtoi atë si një njeri me zemër të artë që thjesht dëshironte të ishte i madh në atë që bënte.
Ai shtoi se kjo tragjedi u kthye në një moment kthesë për të, duke e shtyrë të reflektojë mbi jetën e tij dhe duke kuptuar se mënyra më e mirë për të nderuar miqtë që nuk jetojnë më është duke e jetuar jetën në plotësi.
Ndërkohë që përballet me këto kujtime, Styles po përgatitet për një vit të ngarkuar ku do të prezantojë albumin e tij të ri me 30 netë koncertesh në Madison Square Garden të Nju Jorkut.
Të premten ai do të performojë albumin e plotë në Mançester, një ngjarje që do të transmetohet edhe në Netflix.
Kritika e ka përshkruar muzikën e tij të re si një projekt më intim dhe melankolik, i krijuar për orët e vona të natës dhe larg hiteve tipike pop me të cilat jemi mësuar më parë. /Prive By Liberta Spahiu
@imactuallysky my heart🥹🥹😔 #harrystyles #foryou #onedirection #fyp #liampayne ♬ original sound – Sky ★ 
