Ish-banorja e dashur e “Big Brother VIP Kosova 2”, Alba Vukaj, ka zgjedhur një destinacion përrallor për të festuar ditëlindjen e saj të 25-të.
Bukuroshja nga Shkodra ka udhëtuar drejt Phuket, Tajlandë, ku po shijon pushimet nën rrezet e diellit dhe peizazhet ekzotike.
Ndryshe nga sa mund të pritej, Alba ka vendosur që këtë përvjetor jubile ta kalojë pranë njerëzve më të shtrenjtë. Ajo është shoqëruar në këtë udhëtim nga familja e saj, duke treguar edhe një herë se raporti me ta mbetet prioritet në jetën e saj pas famës që mori në reality-show.
Përmes postimeve në Instagram, Alba ka ndarë me ndjekësit atmosferën festive. Ajo u mirëprit në dhomën e saj me një dekorim romantik me petale trëndafili ku shkruhej “Happy Birthday 25th Alba”. Por vëmendjen më të madhe e mori një buqetë gjigante me qindra trëndafila të kuq, për të cilën Alba shkroi thjesht: “Pa fjalë”.
Në postimin e saj kryesor, Alba u shfaq tejet elegante buzë detit, duke shoqëruar fotot me një mesazh kuptimplotë: “25. Me qëllim, me dashuri, me dritë”. Urime të shumta kanë vërshuar nga miqtë, ish-konkurrentët e BBVK dhe fansat e shumtë, duke e bërë këtë ditëlindje akoma më speciale për të.
Urime edhe nga ne! /Prive By Liberta Spahiu
View this post on Instagram
