Në një kohë ku dashuritë lindin dhe shuhen me shpejtësinë e një “seen”-i në Instagram, të gjesh një lidhje të qëndrueshme duket pothuajse si një mrekulli.
Por nëse mendoni se sekreti qëndron te dhuratat, fjalët e bukura apo “chemistry” që ndiheni në fillim – po gaboni.
Askush s’ua thotë, por sekreti i një lidhjeje të shëndetshme është qetësia.
Në fillim të çdo marrëdhënieje, emocionet janë të forta. Por me kalimin e kohës, ajo që mbetet s’është pasioni, por mënyra si silleni me njëri-tjetrin në ditët e zakonshme.
Dashuria nuk matet me fjalët “të dua”, por me mënyrën si reagon kur tjetri ka një ditë të keqe.
Një lidhje e shëndetshme nuk ka nevojë për zhurmë. Ajo është kur mund të heshtni bashkë pa u mërzitur, kur debatoni pa u lënduar, dhe kur e dini që edhe pas një zënke, tjetri s’do të largohet.
Qetësia s’është mungesë ndjenjash – është prania e sigurisë.
Një marrëdhënie e mirë nuk është fushëbetejë. Është bashkëpunim, jo garë. Nëse çdo herë përpiqeni të fitoni një debat, humbni lidhjen. Njerëzit që e kuptojnë këtë, zgjatin – sepse zgjedhin të kuptojnë, jo të dominojnë.
Sekreti i heshtur: mirëkuptimi
Askush nuk është perfekt, as ju, as ai/ajo. Por kur n
ë vend të kritikës, zgjedh të kuptosh; në vend të akuzës, zgjedh të pyesësh “pse je kështu sot?” – kjo është dashuria e pjekur.
Një lidhje e shëndetshme është ajo ku të dy ndihen të sigurt të jenë vetvetja.
Sekreti s’është romantika e madhe, por përkujdesja e vogël që bëhet çdo ditë.
Dashuria që zgjat nuk është ajo që ndizet shpejt, por ajo që ushqehet me respekt, qetësi dhe durim. /Prive By Liberta Spahiu
