Aurora Rrusta dhe Kushtrim Kelani kanë nisur përgatitjet për festat e fundvitit, duke sjellë atmosferën festive në shtëpinë e tyre që në muajin nëntor.
Çifti i njohur nga “Big Brother VIP Kosova 4”, i cili vetëm pak javë më parë kurorëzoi dashurinë me martesë, ka ndarë me ndjekësit momente të këndshme nga përditshmëria.
Përmes një videoje të publikuar në Instagram, Aurora ka treguar se si ajo dhe Kushtrimi po përgatisin së bashku dekorimet e fundvitit, duke nisur me pemën festive.
Në pamjet e publikuara, dyshja shfaqet duke hapur kutitë me dekorime, ndërsa ambienti i shtëpisë është zbukuruar me elemente të Krishtlindjes. Oxhaku i ndezur dhe detajet festive i japin një atmosferë të ngrohtë momentit.
Këto festa do të jenë veçanërisht të rëndësishme për çiftin, pasi janë të parat që do t’i presin si bashkëshortë, pas dasmës së tyre.
/Prive By LS
View this post on Instagram


