Pas lajmit që tronditi opinionin publik për shpalljen në kërkim të aktorit të njohur Vis Pupa dhe bashkëshortes së tij, Belina Pupa, ka reaguar edhe këngëtari i njohur shqiptar Bardhi, i cili ka ndarë një mesazh publik në rrjetet sociale.
Çifti Pupa dyshohet për kultivim të bimëve narkotike dhe ndërhyrje të paligjshme në rrjetin e energjisë elektrike, ndërsa autoritetet shqiptare kanë nisur procedurat për lokalizimin dhe ndalimin e tyre.
Në mesazhin e tij, Bardhi ka shprehur keqardhje për situatën ku ndodhet aktori dhe ka kujtuar se Vis Pupa ka qenë një nga figurat e preferuara të tij gjatë fëmijërisë.
“Kur isha në shtëpinë e Big Brother-it, ai shkruante për mua ‘Free Bardhi’ pa arsye, tani, ndjej ta bëj të njëjtën për të, por me arsye,” shkroi Bardhi në InstaStory.
Bardhi ndër tjerash pati edhe një përgjigjje ironike për aktorin duke thënë se është ngutur duke shkruar për të, por le të jetë ky një shembull se bota është e rrumbullakët dhe çdo gjë kthehet.
Shihni reagimin e tij më poshtë! /Prive By Liberta Spahiu
