Bia, një nga banoret e Big Brother VIP Kosova 4, ka ndarë me publikun dhe banorët e tjerë historinë e saj të dhimbshme të jetës, duke prekur tema të ndjeshme familjare, por edhe duke zbuluar detaje mbi pavarësinë e saj financiare.
Në një rrëfim plot emocione, Bia u kthye pas në kohë duke zbuluar marrëdhënien e vështirë me të atin. Ajo tronditi me deklaratën se ka pësuar keqtrajtim nga babai i saj që kur ishte foshnje, një traumë që e ka shoqëruar përgjatë rritjes.
Pavarësisht këtyre vështirësive, ajo tregoi se jeta e ka detyruar të rritet para kohe.
“Unë jetoj që nga mosha 15-vjeçare me krejt përgjegjësitë… shtëpia, buka,” u shpreh ajo, duke treguar se ka marrë mbi supe barrën e mbijetesës në një moshë fare të re.
Momenti më prekës i rrëfimit ishte kur Bia foli për humbjen e nënës së saj. Mes lotësh, ajo tregoi pengun e saj më të madh: fakti që nuk arriti të mbërrinte në kohë për t’i thënë lamtumirën e fundit.
Kjo ngjarje tragjike pati një ndikim të thellë tek ajo. Bia rrëfeu se pas vdekjes së nënës, ajo ndërpreu aktivitetin e saj në platformat online për dy vite rresht, pasi siç theksoi ajo, “nuk është më e njëjta nga ajo kohë”.
Përveç anës emocionale, biseda u ndal edhe tek karriera e saj dhe të ardhurat financiare. Bia foli hapur për angazhimin e saj në OnlyFans, duke zbuluar shifra surprizuese.
- Sipas banores, fitimet e saj mujore janë tejet të larta. Ajo tregoi se mesatarisht fiton rreth 22 mijë dollarë në muaj, ndërsa ka pasur muaj rekord ku shifra ka arritur deri në 35,000 – 38,000 dollarë.
