Një postim prekës ka ardhur nga Vasfije Krasniqi, ish-deputetja dhe një nga zërat më të fuqishëm në mbrojtje të të mbijetuarave të dhunës seksuale gjatë luftës në Kosovë.
Ajo ka ndarë me ndjekësit lajmin se së fundmi është diagnostikuar me një tumor në zorrë dhe ka kaluar një ndërhyrje kirurgjikale për ta hequr atë.
“Qëndrimi në spital ishte më i gjatë dhe i vështirë nga sa pritej,” – shkruan ajo, duke treguar se tashmë është duke u rikuperuar në shtëpi dhe është e lehtësuar. Lajmi më i mirë për të dhe për të gjithë ata që e ndjekin me dashuri e admirim, është fakti se tumori ka rezultuar beninj, duke i hapur rrugën një shërimi të plotë.
Në të njëjtin postim, Krasniqi falënderon të gjithë ata që i kanë qëndruar pranë përmes mesazheve, vizitave dhe telefonatave: “Të gjitha kishin shumë vlerë për mua gjatë kësaj kohe.”
E njohur për forcën dhe kurajën e saj për të folur hapur për përjetimet gjatë luftës, Vasfije Krasniqi njëherësh dëshmon edhe një herë tjetër rezistencën e saj përballë sfidave të jetës. /Prive By Liberta Spahiu
