Aktori i njohur, Butrint Lumi, feston ditën e sotme ditëlindjen e tij, dhe këtë e bëri publike në rrjetet sociale me një urim të përzemërt nga bashkëshortja e tij, Mirjeta.
Në një postim në Instagram, Mirjeta ka ndarë një foto familjare ku shfaqet çifti i buzëqeshur së bashku me dy vajzat e tyre, si dhe një dedikim plot emocion.
“Gëzuar ditëlindjen dashuria ime! Të uroj të gëzosh edhe shumë vite të lumtura pranë nesh,” shkruante ajo, duke theksuar rolin e tij si bashkëshort dhe baba.
Butrint Lumi dhe bashkëshortja e tij, Mirjeta, janë prindër të dy vajzave. Ky moment i ëmbël familjar, i shprehur në urimin e saj, tregon lidhjen e fortë dhe dashurinë që mbretëron në shtëpinë e tyre.
Butrint Lumi ka fituar zemrat e shikuesve me interpretimin e tij si personazhi i dashur Tevides në serialin humoristik “Bashkallajk”. Batutat e tij dhe stili komik e kanë bërë një figurë të pëlqyer në skenën e humorit shqiptar. /Prive By Liberta Spahiu
