Reperi i njohur shqiptar, Capital T, ka ndezur rrjetet sociale me një postim misterioz në Ditën e Shën Valentinit, duke shtuar edhe më shumë spekulimet rreth një lidhjeje të mundshme me modelen e njohur, Adrola Dushi.
Prej kohësh, mediat dhe fansat kanë aluduar për një romancë mes tyre, por asnjëri nuk ka pranuar publikisht një raport të tillë. Megjithatë, postimi i fundit i reperit duket si një sinjal i tërthortë që mund të konfirmojë thashethemet.
Capital T ndau një fotografi ku shfaqet i ulur pranë detit, në një ambient romantik, bashkë me një vajzë, fytyra e së cilës nuk është e dukshme. Disa detaje të imazhit i kanë bërë fansat të besojnë se vajza misterioze është pikërisht Adrola Dushi.
Për ta bërë situatën edhe më intriguese, reperi ka publikuar sot, në Ditën e të Dashuruarve, këngën e tij më të re të titulluar “Sekret”, por pa një videoklip. Ky veprim ka nxitur edhe më shumë dyshime se kënga mund të jetë një dedikim i fshehtë për dikë të veçantë, duke lënë hapësirë për interpretime dhe aludime të shumta nga publiku.
