Këngëtarja shqiptare Rita Ora, ka tërhequr vëmendjen me një paraqitje mahnitëse në episodin e fundit të spektaklit “The Masked Singer”. Me një fustan elegant që kombinon nuanca të arta dhe të zeza, ajo shfaqi një stil të sofistikuar dhe të frymëzuar nga moda klasike e Hollywood-it të viteve ‘50.
Rita, e cila është pjesë e jurisë së spektaklit, dukej tejet elegante me dorezat e gjata prej kadifeje dhe një model flokësh të mbledhur në stil retro, që i jepte një prekje glamuroze. Kombinimi i ngjyrave të fustanit dhe detajet vezulluese e bënë atë të dallohej në skenë, duke e bërë një nga paraqitjet më të komentuara të mbrëmjes.
Postimi i saj në Instagram, ku ndau këtë pamje të veçantë, ka marrë vëmendjen e ndjekësve, të cilët e kanë vlerësuar dukjen e saj të jashtëzakonshme. Rita Ora vazhdon të dëshmojë jo vetëm talentin e saj muzikor, por edhe ndjesinë e hollë për stil dhe modë në çdo paraqitje publike. /Prive.al
View this post on Instagram
