Blero ka kurorëzuar dashurinë e tij me Eronitën mbrëmjen e së hënës, në një ceremoni që ishte projektuar të mbahej larg çdo syri mediatik.
Megjithatë, edhe pse ngjarja ishte me privatësi strikte, Prive By Liberta Spahiu, ishte e vetmja që arriti të depërtonte brenda për të sjellë ekskluzivisht atmosferën e kësaj nate të madhe.
Këngëtari zgjodhi një hotel në periferi të Prishtinës për dasmën me rreth 120 të ftuar, por kamerat e Prive arritën të kapin momentet kyçe që Blero dëshironte t’i mbante sekrete.
Përtej shkëlqimit të dasmës, vëmendja është tek partnerja e tij, Eronita. Grimere me profesion, ajo vjen nga një familje shumë e pasur nga Hasi, e njohur për traditën e hekurt të punës. Familja e saj zotëron një zinxhir të suksesshëm biznesesh në Bosnje, vend ku Eronita ka kaluar një pjesë të madhe të jetës së saj mes Prishtinës dhe Sarajevës.
Të pranishëm në dasmë ishin emra të njohur si Ermal Fejzullahu, Adri e Iliriana, si dhe ish-banorët e BBVK.
Vajza e këngëtarit, Tara, gjithashtu iu bashkua çiftit në pistë pas vallëzimit të parë.
Blero dhe Eronita, pas një viti romancë, tashmë kanë nisur rrugëtimin e tyre si burrë e grua.
Ndiqni materialin e plotë nga dasma në videon më poshtë! /Prive By Liberta Spahiu
