Influencerja e njohur shqiptare, Anetta Beri, ka ndarë me ndjekësit emocionet e saj në një ditë shumë të veçantë për të, ditëlindjen e saj të 24-të, por këtë herë pa praninë e nënës.
Në një postim prekës në Instagram, Aneta publikoi disa foto krah nënës së saj, duke shprehur dhimbjen dhe mungesën e madhe që ndjen.
“Je ajo që më dha jetë mua dhe je ajo që e prisja çdo ditëlindje e para e me ma uru, mirëpo si vjet nuk je më mua të ma uronsh… Zemra ime çdo ditë të lyp e çdo vend që shkoj të kom në mend e zemër, me mua çdo sekond,” – shkruan ajo mes emocionesh.
Anetta tregoi se ky ka qenë një nga vitet më të vështira të jetës së saj, pasi për herë të parë feston ditëlindjen pa nënën që e ka uruar gjithmonë e para. Ajo shtoi se do të përpiqet ta bëjë krenare në çdo hap të saj.
Në fund, Aneta falënderoi miqtë, ndjekësit dhe të gjithë ata që i kanë qëndruar pranë gjatë këtij viti të vështirë, duke iu uruar shëndet dhe lumturi.
“Faleminderit prej zemrës për urimet. Ju dua,” – përfundoi ajo mesazhin. /Prive By Liberta Spahiu
View this post on Instagram
