Producenti dhe DJ i njohur botërisht, Calvin Harris, ka përjetuar emocionin më të madh të jetës: është bërë baba për herë të parë!
Bashkë me bashkëshorten e tij, prezantuesen britanike Vick Hope, ata mirëpritën në jetë djalin e tyre të quajtur Micah, i lindur më 20 korrik 2025, përmes një lindjeje natyrale në ujë (water birth) në shtëpinë e tyre në Ibiza.
Lajmi u bë publik nga vetë Harris nëpërmjet një postimi emocionues në Instagram, ku ndau pamje të ëmbla me të birin dhe falenderoi Vick për forcën e jashtëzakonshme gjatë lindjes.
“Micah është këtu! Gruaja ime është një superheroinë. Jam në mahnitje të plotë nga mençuria e saj instinktive. Jemi pafund mirënjohës. Të duam shumë, Micah!” – shkruan ai.
Postimi i Harris përfshinte edhe imazhe nga procesi i lindjes dhe detaje të pazakonta, përfshirë përgatitjen e placentës në formë kapsulash – një praktikë e rrallë por gjithnjë e më e përhapur në lindjet natyrale.
Çifti, të cilët u martuan në një ceremoni private në vitin 2023, janë vendosur prej kohësh në Ibiza, ku po jetojnë një jetë larg vëmendjes mediatike. /Prive By Liberta Spahiu
View this post on Instagram
