Dua Lipa duket se ka gjetur jo vetëm dashurinë, por edhe një familje të dytë. Ylli botëror me origjinë shqiptare ka kaluar festat e fundvitit në një atmosferë tejet private dhe të ngrohtë, duke konfirmuar se gjërat mes saj dhe aktorit Callum Turner janë bërë mjaft serioze.
Në një postim në llogarinë e saj në Instagram, Dua Lipa ka ndarë disa foto ku shihet me familjen e saj, të afërmit dhe të fejuarin e saj, të gjithë të mbledhur për Krishtlindje. Krahas fotove që rrezatojnë lumturi, ajo shkruan:
“Gjithçka rrotullohet rreth dashurisë… dhe ia dola mbanë me gatimin këtë vit (të gjithë yjet u bënë bashkë për mua pasi nuk kisha hyrë në kuzhinë prej 6 muajsh!! 😅😅😅) GËZUAR FESTAT TË GJITHËVE!! JU DËRGOJ SHUMË DASHURI!!!!!”
View this post on Instagram
Në fotot që po bëjnë xhiron e rrjetit, Dua shihet e ulur në një tryezë festive krah partnerit të saj, aktorit britanik Callum Turner, dhe familjarëve të tij.
Ata shihen duke shijuar një darkë tradicionale, ku nuk mungojnë kapelet prej letre, simbol i festave në Britani.
Kjo dalje vjen pas një periudhe ku dyshja është parë e pandarë, por kjo foto me familjen Turner vulos gjithçka.
Duket se viti 2026 do të jetë viti i dasmës madhështore për këngëtaren shqiptare!
/Prive By Liberta Spahiu
