Mbrëmjen e djeshme, ish-banori i “Big Brother”, Joz Marku, mblodhi miqtë e tij më të afërt, përfshirë edhe ish-konkurrentë të tjerë të formatit, për të festuar 30-vjetorin e lindjes në një festë private plot muzikë dhe energji.
Ndër të ftuarit, vëmendjen kryesore e mori prania e Xhoana Toshit, e cila prej kohësh është vënë në qendër të vëmendjes nga mediat rozë si partnerja e mundshme e tij. Zërat u ushqyen akoma më shumë kur Xhoana ndau disa imazhe krah Jozit në rrjetet sociale, duke i bashkangjitur një urim mjaft të ndjerë ku shkruante: “Disa njerëz thjesht e bëjnë jetën më të bukur. Jam vërtet mirënjohëse për ty! Të uroj gjithë lumturinë që meriton”.
Kaq mjaftoi që portalet të mbusheshin me lajme duke e konsideruar këtë si një konfirmim të lidhjes së tyre të dashurisë. Megjithatë, realiteti qenka krejt ndryshe dhe Xhoana nuk ka vonuar të sqarojë situatën. Gjatë pasdites së sotme, ajo ka ndarë një postim në Instagram për t’u dhënë fund aludimeve në mënyrë të drejtpërdrejtë dhe pa lënë vend për keqkuptime.
Përmes një fotografie ku ilustrohen statuset e ndryshme të një marrëdhënieje, ajo ka treguar me stilaps opsionin “Single” (Beqare) poshtë të cilit thekson veten e saj.
Ky detaj hedh poshtë çdo raportim të fundit të mediave, duke treguar qartë se pavarësisht shoqërisë së mirë dhe urimit të ngrohtë, mes saj dhe Jozit nuk ka një romancë. /Prive By Liberta Spahiu
