Një gjë që duket krejt normale, si të flesh me të brendshme, sipas ekspertëve mund të kthehet në rrezik për shëndetin. Sipas një raporti të Belle Lingerie, gjumi me të brendshme gjatë natës mund të shkaktojë pasoja të padëshiruara për trupin.
Edhe pse miliona njerëz ndihen më komodë duke fjetur të mbuluar, kjo praktikë mund të pengojë shëndetin dhe rehatinë e organizmit.
Ja cilat janë 7 rreziqet shëndetësore të gjumit me të brendshme:
-
Rrit rrezikun për infeksione urinare dhe myk
Të brendshmet krijojnë një mjedis të ngrohtë ku shumohen bakteret dhe kërpudhat, duke rritur mundësinë e infeksioneve urinare dhe të mykut, sidomos tek gratë. -
Irritim i lëkurës dhe skuqje
Materialet sintetike, elastikët apo dantella, duke u fërkuar me lëkurën gjatë gjumit, shkaktojnë skuqje, kruarje, madje edhe infeksione kërpudhore. -
Ul numrin e spermatozoideve
Tek meshkujt, testikujt kanë nevojë për një ambient të ajrosur dhe të freskët. Ngrohtësia e shtuar nga të brendshmet mund të ndikojë negativisht në fertilitet. -
Mungesë ajrosjeje
Lëkura rigjenerohet gjatë natës, por mungesa e qarkullimit të ajrit favorizon djersën, bakteret dhe aromat e pakëndshme. Madje, mund të shfaqen puçrra dhe folikulit. -
Gjumi i dobët
Të brendshmet që mblidhen, shtrëngojnë apo krijojnë fërkime, ndërhyjnë në cilësinë e gjumit, duke shkaktuar lodhje dhe mungesë përqendrimi ditën tjetër. -
Infeksione kërpudhore
Ambienti i ngrohtë dhe i lagësht nxit zhvillimin e kërpudhave, sidomos nëse flini me të njëjtat të brendshme që keni mbajtur gjithë ditën. -
Ndikim në hormonet
Shumë materiale sintetike përpunohen me kimikate e ngjyra që mund të përthithen nga lëkura dhe të prishin balancën hormonale.
Zgjidhja?
Ekspertët këshillojnë të flini pa të brendshme, duke i dhënë lëkurës mundësinë të “marrë frymë” dhe të shmangen infeksionet. Nëse nuk doni të flini krejtësisht pa rroba, alternativa më e shëndetshme janë pizhamet e lehta prej pambuku.
