Edhe pse intimiteti ndryshon nga personi në person, të gjithë kërkojnë mënyrën më të mirë për të pasur një jetë seksuale sa më të kënaqshme – dhe sipas shkencës, ekziston një orar ideal që varet nga mosha juaj.
Mike Kocsis, ekspert i shëndetit hormonal dhe themelues i Balance My Hormones, ka treguar se niveli i hormoneve ndryshon gjatë viteve, duke ndikuar drejtpërdrejt edhe në dëshirën seksuale dhe kohën kur ajo është më e përshtatshme.
Në të 20-at
Kjo është periudha ku hormonet janë më të forta. Libidoja është e lartë, sidomos rreth ovulimit, ndërsa energjia dhe reagimi emocional ndaj intimitetit janë në kulmin e tyre. Për këtë arsye, mëngjesi konsiderohet koha më e mirë për marrëdhënie seksuale.
Nga 30 deri në 40 vjeç
Kjo dekadë shpesh sjell më shumë përgjegjësi – fëmijë, martesë, karrierë – gjë që mund të ndikojë në prodhimin e hormoneve seksuale. Edhe pse dëshira mund të bëhet më e paparashikueshme, eksperti thotë se marrëdhëniet intime marrin një dimension më të thellë, duke u bazuar më shumë te lidhja emocionale, besimi dhe oksitocina. Seks më i planifikuar, por më i kënaqshëm.
Nga 40 deri në 50 vjeç
Kjo periudhë njihet si një “epokë e artë” për një ringjallje të spontanitetit. Edhe pse niveli i libidos bie dhe shfaqen sfida si tharja vaginale apo ulja e testosteronit, intimiteti bëhet më i ndërgjegjshëm, më i thellë dhe më i bazuar në komunikim.
Nga 50 deri në 60 vjeç
Në këtë fazë, oksitocina (hormoni i lidhjes) bëhet më i rëndësishëm se kurrë. Seksualiteti lidhet më shumë me sensualitetin sesa me shpeshtësinë. Koha më e mirë për intimitet është mëngjesi ose mesdita, kur energjia është në kulm.
60 vjeç e lart
Edhe në moshën e artë, intimiteti nuk shuhet – përkundrazi, merr një formë më të qëllimshme dhe më të pasur. Pas daljes në pension, pasditet dhe mbrëmjet e hershme konsiderohen momentet më të mira për të shijuar marrëdhënie intime.
Sipas ekspertit, çdo dekadë sjell ndryshime, por edhe mundësi të reja për të përjetuar kënaqësi dhe lidhje më të thella. /Prive By Liberta Spahiu
