Endri, dikur ndër emrat më të dashur të adoleshentëve shqiptarë dhe i quajtur shpesh “Justin Bieber-i shqiptar”, ka paralajmëruar këngën e tij më të re pas një mungese 7-vjeçare.
Kënga e fundit e tij ishte “Mashallah”, e publikuar më 23 maj 2018. Pas atij momenti, Endri zgjodhi të tërhiqej nga muzika duke lënë një boshllëk të madh tek publiku që e kishte ndjekur me entuziazëm.
Tani, ai kthehet me projektin e ri të titulluar “Kthehu”, një baladë e ndjerë dhe emocionale, që pritet të shënojë një kapitull të ri në karrierën e tij artistike. Rikthimi i tij nuk është vetëm nostalgji për fansat që u rritën me këngët e tij, por edhe një shans për të fituar një gjeneratë të re dëgjuesish.
Publikimi i “Kthehu” është vetëm çështje kohe, dhe me gjasë do të jetë një nga rikthimet më të komentuara të vitit në muzikën shqiptare. /Prive By Liberta Spahiu
