Erika Kirk, bashkëshortja e aktivistit konservator Charlie Kirk, ka folur për herë të parë pas vdekjes tragjike të tij, duke e quajtur atë një martir të vërtetë.
Charlie Kirk, bashkëthemelues i lëvizjes Turning Point USA, u vra të mërkurën pasi u qëllua me armë gjatë një debati publik në Universitetin e Luginës së Utah-it, ku ai shpesh ftonte studentët të sfidonin pikëpamjet e tij politike e kulturore.
Autoritetet konfirmuan të premten arrestimin e 22-vjeçarit Tyler Robinson, i dyshuar për vrasjen e tij.
Në fjalimin e saj emocionues, Erika falënderoi Presidentin Donald Trump, zëvendëspresidentin JD Vance dhe zonjën e dytë Usha Vance për mbështetjen që i kanë dhënë.
“Zoti President, burri im ju deshi shumë dhe e dinte që edhe ju e donit atë,” tha ajo, e vendosur pranë një fotografie të bashkëshortit të saj.
Ajo premtoi se aktivitetet e Turning Point USA nuk do të ndalen: “The American Comeback Tour” do të vazhdojë, me ndalesën e radhës më 18 shtator në Universitetin Shtetëror të Kolorados. Po ashtu, edhe emisioni radiofonik dhe podcast-i i Kirk do të vijojnë.
“Lëvizja e tij nuk po shkon askund. Nëse menduat se misioni i tij ishte i fuqishëm më parë, nuk keni idenë çfarë sapo keni ndezur në këtë vend dhe në mbarë botën. Birit të këtij vendi i keni dhënë një kurorë martiri, por tani dëgjoni britmën e kësaj veje, që do të ushtojë në mbarë botën si një thirrje beteje,” deklaroi ajo.
Erika Kirk, 36 vjeç, nisi lidhjen me Charlie-n në vitin 2018 dhe u martuan në vitin 2021. Ata kishin dy fëmijë të vegjël: një vajzë 3-vjeçare dhe një djalë 1-vjeçar.
“Ai ishte babai perfekt. Ishte bashkëshorti perfekt,” tha mes lotësh Erika.
E lindur në Arizona, Erika ka diplomuar në Universitetin Shtetëror të Arizonës dhe ka luajtur basketboll NCAA për Regis University në Kolorado. Në vitin 2012 ajo fitoi kurorën e Miss Arizona USA, ndërsa në vitin 2017 përfundoi studimet për Juris Master në Liberty University. Aktualisht është duke ndjekur doktoraturën në Studime Biblike në të njëjtin universitet.
Përveç kësaj, ajo është themeluese e markës së veshjeve me frymëzim fetar “Proclaim” dhe drejton podcast-in “Midweek Rise Up”. /Prive By Liberta Spahiu
@teamtrump Erika Kirk: “The evildoers responsible for my husband’s assassination have no idea what they have done. They killed Charlie because he preached a message of patriotism, faith and of God’s merciful love. They should all know this: If you thought that my husband’s mission was powerful before, you have no idea. You have no idea what you just have unleashed across this entire country and this world. You have no idea.” #charliekirk #erikakirk ♬ original sound – Team Trump
