Këngëtarja Xhesika Ndoja, po kalon një periudhë delikate për sa i përket gjendjes së saj shëndetësore. Lajmi është bërë i ditur përmes një njoftimi të publikuar në llogarinë e saj zyrtare në Instagram, i cili është menaxhuar dhe shkruar nga familjarët e saj.
Sipas deklaratës së familjes, Xhesika aktualisht ndodhet e shtruar në një spital jashtë vendit për të marrë trajtimin e nevojshëm mjekësor. Për shkak të kësaj situate të papritur, familjarët kanë konfirmuar se ajo do të shkëputet tërësisht nga rrjetet sociale për momentin. Kjo do të thotë se llogaritë e saj nuk do të jenë aktive as për angazhime profesionale apo bashkëpunime pune, dhe as për postime personale.
Në përmbyllje të mesazhit të tyre, familja ka kërkuar mirëkuptimin e ndjekësve dhe të publikut për të qëndruar të respektueshëm ndaj privatësisë së saj në këto momente të vështira. Ata gjithashtu u kanë bërë thirrje të gjithë dashamirësve që të bashkohen me zemër dhe në lutje për shërimin e saj sa më të shpejtë.
/Prive By Liberta Spahiu
