Tashmë është zyrtare, Dardan Berisha nuk është më beqar. Basketbollisti i njohur i Pejës ka vendosur ta bëjë publike lidhjen e tij në mënyrën më të bukur të mundshme, duke njoftuar fejesën këtë të premte.
37-vjeçari ndau me ndjekësit një moment privat ku protagoniste ishte unaza dhe, çka ra më shumë në sy, një pusullë shumë simpatike mbi buqetën e luleve ku shkruhej “Dhuratë nga Dhandrri” – një detaj që tregon se Dardani e ka marrë me shumë sportivitet dhe qejf rolin e tij të ri.
Vajza që i ka rrëmbyer zemrën sportistit është Belinda Mehana. Ajo nuk vjen nga bota e sportit, por nga ajo e artit, duke punuar si fagotiste në Operën e Kosovës. Belinda njihet për talentin e saj, ku vlen të përmendet suksesi i vitit 2024 me performancën e saj në Berlin, por duket se tani vëmendja është te jeta private. Çifti ka një diferencë goxha të dukshme në moshë që nuk kalon pa u vënë re; Dardani është 37 vjeç, ndërsa partnerja e tij rreth të 23-tave.
Megjithatë, kjo diferencë prej 14 vitesh duket se nuk ka luajtur asnjë rol në kiminë e tyre, duke bashkuar dy botë të ndryshme, atë të parketit dhe atë të orkestrës.
Urime çiftit! / Prive By Liberta Spahiu
View this post on Instagram
