Çifti i njohur i muzikës shqiptare, Fidan Gashi dhe Rita Haziri, kanë zbuluar se janë përfshirë në një aksident me makinë para disa ditësh.
Në një video të publikuar në Instagram, Fidan ka treguar se ndonëse përjetuan një moment të vështirë, fatmirësisht të dy janë mirë.
“Pas një aksidenti me makinë para disa ditësh jemi mirë!”, shkruan ai në postim, duke shtuar me humor “pooo, kemi halle!”.
Në video, Rita shihet me një mbajtëse në qafë, çka tregon se ka pësuar lëndime të lehta, por gjendja e saj është nën kontroll. Çifti e ka marrë situatën me sportivitet, duke falënderuar ndjekësit për mbështetjen dhe shqetësimin.
Fidan dhe Rita janë prej kohësh ndër çiftet më të dashura të skenës muzikore shqiptare, të njohur për bashkëpunimet e tyre dhe raportin e ngrohtë që ndajnë me publikun.
/Prive By Liberta Spahiu
