Bota e rrjeteve sociale është tronditur nga lajmi për vdekjen e influenceres së modës Marian Izaguirre, e cila kishte mbi 4 milionë ndjekës në TikTok.
Marian, vetëm 23 vjeçe, ishte raportuar e zhdukur nga familja më 1 shtator 2025, duke ngritur shqetësim të madh tek fansat dhe ndjekësit e saj. Pas pesë ditësh kërkimi, më 6 shtator, ajo u gjet në një hotel në Morelia të Meksikës, në gjendje kritike shëndetësore.
Mjekët bënë të ditur se Izaguirre pësoi komplikacione serioze dhe për disa ditë u mbajt gjallë vetëm me aparatura, pasi ishte shpallur në “gjendje të vdekjeve cerebrale”. Pavarësisht përpjekjeve mjekësore, ajo nuk arriti të mbijetonte dhe vdekja e saj u konfirmua më 12 shtator.
Familja e saj, mes dhimbjes së thellë, ka marrë vendimin që trupin e Marian-it ta kthejë në një shpresë për të tjerët, duke dhuruar korneat, veshkat, muskujt dhe lëkurën për pacientë që kanë nevojë për transplant.
Autoritetet lokale kanë hapur një hetim edhe ndaj familjes së saj, për të sqaruar rrethanat e zhdukjes dhe gjendjes në të cilën ajo u gjet, pasi detaje të pazakonta kanë ngritur pikëpyetje në opinionin publik.
Marian Izaguirre u bë e njohur për videot e saj me stil unik dhe energjinë e saj të veçantë në TikTok, ku kishte krijuar një komunitet të madh ndjekësish. Vdekja e saj e parakohshme ka lënë pas trishtim të madh te fansat dhe komuniteti i influencuesve në mbarë botën. /Prive By Liberta Spahiu
