Pas lajmit që u përhap mbrëmë për një shpërthim në ambientet e klubit Gate në Prishtinë, menaxhmenti i lokalit ka reaguar përmes një njoftimi për media, duke sqaruar se gjithçka ka ndodhur si pasojë e një defekti teknik në një bombol gazi, e cila ishte vendosur përkohësisht për shkak të renovimeve të jashtme të objektit.
Sipas klubit, fatmirësisht nuk ka pasur asnjë person të lënduar, dhe po ashtu nuk janë shënuar dëme materiale.
Autoritetet janë njoftuar menjëherë dhe po bëhen të gjitha verifikimet e nevojshme për të garantuar sigurinë e ambientit dhe për të shmangur çdo rrezik të mundshëm në të ardhmen.
“Puna vazhdon normalisht. Shihemi sonte!” – thuhet në fund të reagimit të Gate, duke bërë të ditur se aktiviteti i klubit do të vazhdojë pa ndërprerje.
/Prive By Liberta Spahiu.
