Reperi i njohur, Getinjo, gjithmonë di si të tërheqë vëmendjen, madje edhe kur bëhet fjalë për “përballje me autoritetet”.
Së fundmi, ai ka ndarë me ndjekësit e tij në Instagram disa pamje që kanë bërë xhiron e rrjetit.
Nga postimet në Instastory, shihet se reperi ndodhej në ambientet e aeroportit, por gjërat ‘nuk kanë shkuar sipas planit’. Getinjo është parë i shoqëruar nga forcat e policisë, të cilët duket se e kanë ndaluar për një deklarim ose kontroll rutinë.
Në vend që të shfaqej i shqetësuar, Getinjo ka zgjedhur ta kalojë situatën me sportivitet dhe shumë ironi.
Ai e ka shoqëruar videon me këngën e tij hit në bashkëpunim me Mozzik, “P9”.
“Kom probleme me shtetin…” – dëgjohet në sfond, duke përshkruar fiks momentin kur reperi po shoqërohej nga uniformat blu.
Edhe pse Getinjo nuk ka dhënë detaje për arsyet e kësaj videoje, fansat kanë nisur aludimet, disa nga ta hamëndesuan se bëhet fjalë vetëm për një video ‘funny’ por vetë Getinjo duket se po e shijon “vëmendjen” shtesë, duke treguar edhe një herë se rebelizmi mbetet pjesë e pandashme e imazhit të tij. /Prive By Liberta Spahiu
