Aktorja e njohur Gresa Pallaska ka ndarë një moment të ndjerë në rrjetet sociale, duke kujtuar me mall themeluesen e PriFest-it, Vjosa Berisha, e cila u nda nga jeta më 23 qershor 2022.
Pallaska publikoi një Instastory ku shkruante: “PriFest, trashëgimia e Vjosës. Miqësi përgjithmonë.”, krahas një fotografie ku shihen trofetë e festivalit.
Në një tjetër mbishkrim emocionues, ajo shtoi: “Shkëlqe më fort sonte, OTA ”, duke përkujtuar mikeshën dhe bashkëpunëtoren e saj të ngushtë.
PriFest – Festivali Ndërkombëtar i Filmit në Prishtinë, këtë vit nis më 9 shtator, dhe për shumë artistë e pjesëmarrës, mbetet një nga trashëgimitë më të çmuara që Vjosa Berisha la pas në fushën e kinematografisë kosovare dhe rajonale. /Prive By Liberta Spahiu
