Aktivistja më e njohur e kohëve moderne, Greta Thunberg, zbarkon sot në Tiranë – jo për ndonjë event ambiental apo konferencë, por për një kauzë që po trondit ndërgjegjen botërore: Gaza.
Greta ka njoftuar se do të marrë pjesë në protestën që mbahet këtë pasdite, në orën 18:00, në Sheshin “Skënderbej”, për të qëndruar krah për krah me të gjithë ata që kërkojnë drejtësi për popullin palestinez.
View this post on Instagram
“Gaza ka hyrë në fazën e pestë të kequshqyerjes… palestinezët po përdorin energjinë e fundit që u ka mbetur për t’i thënë botës: Zgjohu! Zgjidh anën e duhur të historisë!”, shprehet ajo në një video të shpërndarë në rrjete sociale.
Pjesëmarrja e Gretës në Tiranë është kulmi i një sërë angazhimesh që ajo ka ndërmarrë muajt e fundit në mbështetje të palestinezëve, nga marshimet në Evropë, te vizitat në kampet e refugjatëve dhe denoncimi publik i heshtjes ndërkombëtare.
Një zë i fortë, në një shesh që sot pret një kauzë më të madhe se çdo ideologji apo kufi. /Prive By Liberta Spahiu.
