Nëse keni menduar se afrimiteti i madh dhe kimistria e dukshme mes Mirit dhe Selinës në shtëpinë e Big Brother VIP Albania po shkakton “tërmet” në familjen e tij në Gjermani, jeni gabuar rëndë! Drama që prisnin fansat dhe komentuesit online sapo mori një përgjigje epike dhe tejet të ftohtë, ashtu siç i ka hije një mentaliteti gjerman. Partnerja e Mirit, e cila tashmë është kthyer në një personazh më vete në TikTok me mbështetjen e saj të zjarrtë, ka habitur të gjithë me reagimin e fundit ndaj “rivales” së saj në lojë.
Ndërsa rrjeti zien nga diskutimet se Miri po e tepron me Selinën dhe se kjo mund të rrezikojë lidhjen e tij jashtë, partnerja e tij ka vendosur pikat mbi “i” me një video të vetme. Duke luajtur me filtrin viral të renditjes së banorëve, ajo nuk e ka injoruar Selinën dhe as nuk e ka vendosur në fund të listës për inat. Përkundrazi! Me një qetësi olimpike dhe një siguri për t’u pasur zili, ajo e ka renditur Selinën në vendin e tretë – një pozicion “Top 3” që tregon vlerësim për lojtaren, duke injoruar totalisht xhelozinë apo flirtet që shohim në ekran.
Në videon ku ajo shkruan me dashuri “Miri është 1-shi patjetër. Të duam shumë Schatzi im i dashur”, mesazhi është i qartë kristal: ajo e njeh burrin e saj dhe loja brenda shtëpisë mbetet thjesht lojë. Kjo “gjermania” sapo na dha një leksion të mirë se si menaxhohet presioni i famës dhe i reality show-t, duke treguar se besimi i saj nuk lëkundet nga disa shikime apo prekje brenda shtëpisë. Mesa duket, Miri e ka “krahët e ngrohta” dhe strategjia e tij me Selinën, sado e rrezikshme të duket për ne, është e aprovuar nga “shefi” në Gjermani!
/Prive By Liberta Spahiu
@deutsches_maedel Miri eshte 1-shi patjeter. Te duam shume Schatzi im i dashur🥰😍 #BBVA #bigbrothervipalbania🇦🇱 #MiriMeIMiri #miriwestsidefamily #Shqiperia ♬ Originalton – 🇩🇪Deutsches Mädel Neu🇩🇪
