Fansat e Hailey dhe Justin Bieber janë ngritur në mbrojtje të çiftit, pas spekulimeve se martesa e tyre mund të jetë në krizë, duke u mbështetur në një detaj të vogël por domethënës që u vu re në një Story të ri në Instagram nga themeluesja e Rhode, Hailey.
Hailey dhe Justin u martuan në vitin 2018, pas disa viteve marrëdhënieje të ndërprerë herë pas here, dhe që atëherë kanë mirëpritur fëmijën e tyre të parë, Jack Blues, për të cilin Hailey ka thënë se “i ndryshoi gjithë jetën”.
Në tetor të vitit 2024, Hailey u shpreh për revistën Elle se ishte shumë e emocionuar për të kaluar stinën e vjeshtës me familjen e saj.
Por në muajt e fundit, fansat janë bërë gjithnjë e më të shqetësuar se marrëdhënia e saj me Justin mund të jetë duke u përballur me vështirësi.
Vetëm fundjavën e kaluar, Hailey i tronditi fansat kur komentoi në postimin e Justin për Ditën e Babait duke shkruar: “Dita e Babait është e tmerrshme.”
Ky koment bëri që një fans të pyeste: “A e duan njëri-tjetrin fare? Po pres thjesht njoftimin për divorc.”
Megjithatë, Hailey ka postuar sërish një selfie në Instagram, dhe fansat besojnë se një detaj i veçantë në postim është provë që ajo dhe Justin janë ende të lidhur fort.
Në Story-n e saj, Hailey shfaqet përpara pasqyrës me flokët e kapura mbrapa dhe veshur me një bluzë të bardhë.
Ajo mban gjithashtu një unazë diamanti të madhe, me formë ovale, në gishtin e katërt të dorës së majtë — dhe pikërisht këtë detaj fansat po e përdorin për të mbrojtur lidhjen e saj me Justin.
Një fans shkroi në Twitter:
“Media: ‘Martesa e Bieber-ëve ka marrë fund’.
Hailey: Vesh unazën dhe mbështet Skylrk.”
Skylrk është marka e re e veshjeve e Justin-it, në zhvillim që nga viti 2023, por ende pa debutim zyrtar.
Unaza ovale e Hailey-t është një nga dy që ajo ka treguar gjatë marrëdhënies me Justin.
Ajo e zëvendësoi unazën e parë të fejesës me këtë diamant më të madh kur ata po përgatiteshin për ardhjen e foshnjës së tyre të parë. Sipas markës së bizhuterive Taylor and Hart, kjo unazë vendoset në një rrip të thjeshtë floriri dhe vlerësohet mes 1 dhe 1.5 milionë dollarë.
Por ndonëse kjo Story e Hailey-t mjafton për t’i bindur disa fansa se ajo dhe Justin janë mirë, të tjerë ende i bëjnë thirrje modeles të “kujdeset” për Justin, sidomos pas një postimi të fundit të tij në Instagram, ku ai shkruante se ndihej “i thyer”.
Justin shkroi:
“Njerëzit më thonë të shërohem. A nuk mendoni se po të mundesha, do ta kisha bërë tashmë?
E di që jam i thyer. E di që kam probleme me zemërimin. Kam provuar gjithë jetën time të punoj me veten që të jem si ata që më thanë se duhet të isha ndryshe. Por kjo vetëm më lodh më shumë dhe më zemëron.”
Fansat e kanë përkrahur Justin pas këtij postimi, me një prej tyre që shkroi:
“Duke dërguar dashuri dhe lutje. Uroj që të gjesh paqe.”
Ndërkohë, Hailey është vënë në qendër të vëmendjes edhe për diçka tjetër: fansat kanë vënë re se ajo dhe Selena Gomez – ish e dashura e Justin-it – janë ndjekur reciprokisht nga Instagrami, por tani nuk ndiqen më./Prive By Liberta Spahiu
