Rrjetet sociale janë kthyer në treguesin kryesor të fuqisë dhe ndikimit në vitin 2026.
Platforma Pubity ka publikuar së fundmi renditjen e “Top 10” llogarive që dominojnë Instagram-in, duke zbuluar shifra marramendëse që kapin qindra miliona ndjekës.
Nga ikonat e futbollit te yjet e muzikës dhe televizionit, ja kush janë personazhet që kontrollojnë vëmendjen globale.
Në krye të listës qëndron vetë llogaria zyrtare e Instagram me 697 milionë ndjekës.
Megjithatë, personi më i ndjekur në planet mbetet Cristiano Ronaldo, i cili mban vendin e dytë me 668 milionë ndjekës.
Rivali i tij, Leo Messi, renditet në vendin e tretë me 510 milionë ndjekës, duke vërtetuar se futbolli mbetet forca më e madhe tërheqëse në botë.
Selena Gomez vazhdon të jetë gruaja më e ndjekur në këtë listë, duke zënë vendin e katërt me 416 milionë ndjekës. Ajo ndiqet nga Kylie Jenner dhe aktori The Rock, të cilët ndajnë një audiencë prej 391 milionë ndjekësish secili.
Lista pasurohet më tej me yje si Ariana Grande 373 milionë dhe mbretëresha e pop-it, Beyonce, me 308 milionë ndjekës.
Renditja konfirmon ndikimin e jashtëzakonshëm të familjes Kardashian-Jenner, të cilat zënë tre vende në dhjetëshen e parë. Përveç Kylie-t, në listë figurojnë edhe Kim Kardashian me 354 milionë ndjekës dhe Khloe Kardashian, e cila mbyll “Top 10” me saktësisht 300 milionë ndjekës.
Këto shifra tregojnë se pavarësisht viteve, interesi i publikut për këtë familje mbetet në nivele rekord. /Prive By Liberta Spahiu
View this post on Instagram
