Bebe Rexha ka reaguar ashpër ndaj fotografive virale të saj që u shpërndanë gjithandej gjatë kësaj jave.
Ajo ka shënjestruar direkt Daily Mail dhe gazetaren Sonia Horon, duke e cilësuar artikullin e tyre si manipulues dhe e ka etiketuar gazetaren për mungesë etike profesionale.
“@dailymail Ju jeni vërtet të neveritshëm. Ju e dinit që ato fotografi të miat u bënë jashtë spitalit. Kush bën fotografi të njerëzve të sëmurë duke hyrë në spital dhe më pas e fokuson artikullin tek pamja e tyre?! Pse nuk thatë që ajo po hynte në spital?! Sepse e dini që është gabim. @soniahoron, sidomos duke qenë një grua, duhet të ndihesh e turpëruar për veten. Bush*ër e neveritshme”, shkroi Bebe.
“Herën tjetër kur të ndihem sikur po vdes dhe po shkoj në spital, duhet të mbaj mend të rregulloj flokët, të vendos grim, dhe të vesh një fustan”, shtoi ajo.
Kujtojmë se në fotografitë në fjalë Bebe shihet pa grim dhe e veshur në mënyrë spontane – krejt ndryshe ngase jemi mësuar ta shohim.
