Këngëtarja Arta Bajrami duket të jetë mllefosur fort me gjendjen aktuale që sipas saj po mbretëron në hapësirat e liqenit të Badovcit.
Arta u ka bërë thirrje mediave t’i kushtojnë vëmendje këtij fenomeni të dëmshëm për natyrën në vend.
“Pas këtyre mbeturinave të tmerrshme, fshihet një mrekulli natyrore: liqeni i bukur i Badovcit”, shkroi ajo.
“Mbajtja e pastërsisë mjedisore s’ka të bëj me varfërinë ekonomike në të cilën ndodhemi si shtet, por ka të bëj me varfërinë kulturore. Ne jemi të varfër në tru”, shtoi artistja.
Këngëtarja i bashkëngjiti këtë shkrim një videoje direkt nga vendi i ngjarjes, të cilën e postoi në ‘story’ në llogarinë e saj të Instagramit.
