Para se të dilte zyrtarisht, “Jo Jo Ti Me Mu” e Bay T ishte shndërruar tashmë në një hit në TikTok. Fragmentet e këngës ishin përhapur me shpejtësi në rrjet, duke u bërë sfond i qindra videove dhe duke i ngritur pritshmëritë për publikimin e plotë.
Tashmë, kënga ka dalë nën labelin “TikTak Music”, me produksion, miksim dhe masterizim nga Buci. Teksti mban firmën e vetë Bay T, ndërsa videoklipi është realizuar nga ekipi i “TikTak”.
“Jo Jo Ti Me Mu” solli edhe një herë energjinë karakteristike të Bay T, me ritme që ngjiten menjëherë në vesh dhe fraza që u bënë virale shumë përpara publikimit.
/Prive By Liberta Spahiu