Einxhel Shkira ka ndarë me ndjekësit një mesazh të fuqishëm dhe frymëzues kushtuar grave, duke theksuar rëndësinë e vetëvlerësimit dhe forcës së brendshme. Në një postim të fundit në Instagram, ajo publikoi disa foto ku shfaqet me një lule në dorë dhe një fustan të bardhë, duke i dhuruar vetes fjalë të mbushura me dashuri dhe admirim.
“Për ty do të kisha marrë të gjitha lulet e lëndinës, që t’i dedikoj për pengesat dhe arritjet e tua si grua,” shkroi ajo, duke shprehur mirënjohjen dhe krenarinë për çdo grua që lufton çdo ditë për veten dhe të ardhmen e saj.
Einxhel vuri theksin te forca dhe bukuria që gratë mbajnë brenda vetes, pavarësisht sfidave dhe vështirësive. “Je perfekte me të gjitha të metat e tua, dhe askush nuk mund të të ndryshojë,” tha ajo, duke i inkurajuar gratë të mos dorëzohen kurrë.
Përfundimi i dedikimit ishte një thirrje për vetëdashuri dhe solidaritet mes grave: “Për veten, për nënat, për motrat, për shoqet dhe çdo vajzë e grua kudo që je, të dua!”
Ky postim i Einxhel Shkirës është një kujtesë e bukur për rëndësinë e të duam dhe të vlerësojmë veten, duke i dhënë forcë dhe motivim çdo gruaje që e lexon. /Prive.al
View this post on Instagram
